উৰ্বশী পাইপছ এন টিউবছ

লেখকৰ টোকা :

ইয়াত উল্লেখিত কাহিনী হয় কোনো সচা ঘটনাৰ কাল্পনিক ৰুপান্তৰ নতুবা কোনো কাল্পনিক ঘটনাৰ সচা ৰুপান্তৰ ৷

আৰু এটা কথা, কাহিনীকৈ যাওঁতে ভাষাৰ ওপৰত অকনো গুৰুত্ব দিয়া হোৱা নাই ৷ পাঠক—পাঠিকাক সন্পূৰ্ন সুযোগ দিয়া হৈছে স্বইচ্ছাৰে কল্পনা কৰিবলৈ ৷

পানবজাৰত মোৰ ষাড়গৰুটোৱে কি কৰিলে সেয়া আপোনালোকেতো জানেই ৷ ক’লোনে নাই বাৰু কথাটো ?
যি নহওঁক বাৰু তাৰ পাছত …….

উৰ্বশী পাইপছ এন টিউবছত প্ৰেমিকা

পানবজাৰৰ ফুটপাথৰ সেই দুৰ্ঘটনাৰ পাছত মই অলপ বেলেগ ধৰনে আচৰন কৰিবলৈ ল’লো ৷
ৰাতি সপোনত গান গাই থাকো ‘ বগলী বগা ফোঁট দি যা’ ৷
অকলে থাকিলে গুনগুনাই থাকো, ‘বগাকৈ বগলী বহলাই বহিছে...৷’
বন্ধু মহল চিন্তাত পৰিল , ‘ইয়াৰ আকৌ হ’ল কি?’

এদিন আবেলি কেইবাজনো বন্ধুৱে পানবজাৰত Feeds-ৰ ওচৰত থকা খাদীভান্ডাৰৰ সন্মুখৰ চিৰি কেইটাতত বহি ‘AC DC জেনেৰেটৰ’ৰ বিষয়ে আলোচনা কৰি আছো ৷
মই ওচৰতে আমন—জিমন কৈ বহি আছো ৷ হঠাৎ আহি ওলালহি মোৰ দুজন পৰম বান্ধব — এজন ‘দিল চোৰ (D.C)’ বলীউডৰ হিৰ, আনজন ‘জেমছ, My Name is JMS, JMS Bond 000, হলীউডৰ হিৰ ৷
মোৰ অবস্থা দেখি সহিব নোৱাৰিলে ৷
মোক হাতত ধৰি লৈ গ’ল অলপ আতৰলৈ আৰু সুধিলে , ‘অ’ বন্ধু তোমাৰ কি হৈছে?’
ইমান দুখৰ দিনৰ মাজত মৰমৰ মাত শুনি মোৰ চকুপানী ওলাই গ’ল ৷ মোৰ চকুপানী দেখি মোৰ দুজন পৰম বান্ধবৰো চকুপানী ওলাই গ’ল ৷
সুধিলে,‘প্ৰেম প্ৰেম জখলাৰ পৰা হামখুৰি খাই পৰি তোমাৰ এই অবস্থা নেকি?’
মই লাহেকৈ মুৰ দুপিয়ালো ৷
হৈ গ’ল, ইমানখিনি ‘ইচাৰাই’ কাফী !
দুই পৰম বান্ধবে ফুছ—ফুছ ফাছ—ফাছ কিবা কথা পাতিলে ৷ তাৰ পাছত মোক ক’লে,‘ব’লা’৷

মই আচৰিত হৈ সুধিলো, ‘কলৈ ?’

দুই পৰম বান্ধব,‘উৰ্বশী পাইপছ এন টিউবছলৈ৷’

মোৰ অকৌ আচৰিত হোৱাৰ পাল,‘উৰ্বশী পাইপছ এন টিউবছ??? তালৈ গৈ কি কৰিম মই???’

হলীউডৰ হীৰো,‘তাত এজনী ধুনীয়া receptionist আছে ৷ তাইৰ লগত তোমাৰ প্ৰেম চেট কৰি দিম ৷’

কথা শুনি মই ফায়াৰ,‘তোমালোকক মই মোৰ বন্ধু বুলি ভাবিছিলো ৷ তোমালোকে কিন্তু জ্বলা জুইত ঘিউ ঢালিব আহিছা ৷ আজিৰ পৰা তোমালোকক friendship day-ত উইছ নকৰো মই ৷

আৰম্ভ হৈ গ’ল বুজনি ৷ শেষত উপায় নাপাই ওলালো আৰু উৰ্বশী পাইপছ এন টিউবছত থকা প্ৰেমিকাক চাই আহোগৈ বুলি ৷ মই কিন্তু কথাটো clear কৰি দিলো,‘অকল চাবলৈ হে গৈছো দেই, মই কিন্তু প্ৰেম নকৰো ৷’

দুই পৰম বান্ধবৰ চকুৰ চাৱনিয়ে ক’লে,‘ ব’লাচোন তুমি!’

তিনি বন্ধু আগবাঢ়িলো উৰ্বশী পাইপছ এন টিউবছৰ অফিছ ফালে ৷ যিমানেই অফিছৰ ওচৰ চাপিছো সিমানেই মোৰ tension বাঢ়িছে ৷ তেতিয়া সময় সন্ধিয়া ৬মান বাজিছিল ৷ মই বেক—গীয়েৰ লগাবলৈ চেষ্টা এটা কৰি ক’লো,‘ইমান ৰাতিখন গ’লে কথাটো অলপ বেয়া হ’ব নেকি? Impression বুলিতো কথা এটা আছে ৷’

দুই পৰম বান্ধব জেক—জেকাই উঠিল,‘ সেইটো আমাৰ responsibility ৷ তুমি মাথো আহি থাকা ৷’
উপায় নাপাই দুই পৰম বান্ধবৰ হাতত ধৰি গৈ আছো উৰ্বশী পাইপছ এন টিউবছৰ অফিছলৈ বুলি ৷ দৃশ্যটো এনেকুৱা আছিল যেন মাক—বাপেকে ল’ৰা এটা LP School ত নাম ভৰ্তি কৰি দিবলৈ লৈ গৈ আছে ৷

পালোগৈ তিনিও উৰ্বশী পাইপছ এন টিউবছৰ অফিছ ৷ Ground floor অন্ধকাৰ কোনো নাই ৷ পালো গৈ first floor৷ তাতো একেই অবস্থা ৷ মোৰ টেনসনত ডিঙি শুকাই গৈছে ৷ D.C. ফায়াৰ জেমছ বন্ডৰ ওপৰত ৷ দিলে ভালকৈ ঢকা দুটামান বন্ডক,‘ কুট্টা, ভালকৈ খবৰ এটা দিব নোৱাৰ?’ বন্ডৰ নিৰ্বিকাৰ উত্তৰ,‘মই sure ৷ আছে তাই কৰবাত, বিচাৰো ভালকৈ ৷ ওলাব কৰবাত ৷’
মনতে ভবিলো,‘কি কৈছে এই দুটাই! প্ৰেমিকা বিচাৰিছো নে হেৰুৱা মোজা?’
চাঞ্চ এটা পাই ক’লো,‘ নহলে বাদ দিওঁ দিয়া আজি ৷’

D.C. ,‘বলা ওপৰৰ ফ্লৰত চাই আহোগৈ ৷’

তেনেতে শব্দ এটা শুনা গ’ল,‘ঠাক, ঠাক, ঠুক,ঠুক, কেৰেক৷’

টাইপিংৰ শব্দ ৷ জেমছ বন্ডৰ মূখত বিশ্ববিজয়ৰ হাঁহি ৷ যেন KGB—ৰ গোপন দলিলহে হাতত পৰিল ৷ চকুৰে দিলে এটা ইংগিত ৷ মই দীঘল কৈ উশাহ এটা ল’লো আৰু মনতে ইস্তদেবতাক সুৱৰি ল’লো,‘ বচাবা আৰু আজি প্ৰেমিকাৰ পৰা ৷’

হাতত সাৰে ভৰিত সাৰে তিনিও পালোগৈ ওপৰৰ মহলা ৷ প্ৰথমে সোমালে জেমছ বন্ড, তাৰৰ পাছত D.C. আৰু একেবাৰে শেষত মই ৷ কিন্তু কথা কি? অফিছ ইয়াতো খালী দেখোন?? কোনো নাই ৷ এটা দীঘল কৰিডোৰ ৷
তাৰ পাছত এল (L) টাইপ এটা ভাজ ৷ আকৌ ওলাল শব্দটো,‘ঠাক, ঠাক, ঠুক,ঠুক, কেৰেক ৷ ’